Некои фудбалери на Манчестер Јунајтед беа исплашени за време на натпреварот од ФА Купот против Брајтон синоќа.
„Црвените ѓаволи“ не блескаа, но победија со головите на Лукаку и Матиќ и се пласираа во полуфиналето на турнирот, но по натпреварот Мурињо не беше задоволен и го стави под прашање карактерот и класата на многумина, иако без да прецизира имиња.
„Повеќе сакам да ги посочам оние кои се справија многу добро. Матиќ беше полн со карактер и квалитет. Некои од играчите беа исплашени. Според мое мислење, станува збор за лични квалитети, доверба и класа “, рече тој по натпреварот.
„Кога сонцето сјае светло и ќе победиш, секој играч е добар и силен. Кога сепак е темно и студено и резултатите се лоши, не секој има квалитети да игра на ниво. Почувствував дека некои сакаат да бидат сменети, но немаше што да изгубам“, додаде Мурињо, откако повторно го пофали младиот Скот Мектоминеј.
„Скот го одигра најлошиот натпревар за нас, бидејќи направи многу грешки, но тој сигурно има карактер, па затоа е за Манчестер Јунајтед. Затоа, наместо да го критикувам, му кажав добри работи, бидејќи не се плашеше. Лук Шо и Валенсија не беа агресивни, па на одморот мораше да го сменам едниот од нив и решив тоа да биде Лук, бидејќи барем Антонио се позиционираше како што треба. Лук не беше на ниво“, рече Мурињо.