Менаџерот на Манчестер Сити, Пеп Гвардиола направи список со посакувани нови засилувања. Експертот се реши за пет фудбалери со кои ќе ги извади „граѓаните“ од кризата. Тимот е во кошмарна форма, со само 1 победа во последните 13 натпревари.
Во моментов, англискиот шампион е на седмото место во Премиер лигата, далеку од врвот.
Англиското издание „Тајмс“ тврди дека Сити веќе во јануари ќе се обиде да ангажира најмалку тројца од играчите кои ги бара Пеп. Инаку, целиот список е подготвен за следните два преодни рока. Ги вклучува следните имиња: Марк Гуехи (Кристал Палас), Џамал Мусиала (Баерн Минхен), Флоријан Вирц (Баер Леверкузен), Мартин Субименди (Реал Сосиедад) и Бруно Гимараеш (Њукасл).
За да го направи тоа, Сити ќе мора да направи некои тешки потези во претстојниот преоден рок, а целта на Пеп е да го освежи својот тим и да се справи со некои долготрајни повреди, како што е онаа на Родри.