Комисијата за стручен надзор за случајот со лекувањето на 6-годишната пациентка Ј.Х. во Клиничка болница Битола, констатираше дека според анамнезата, клиничкиот преглед и работната дијагноза, се преземени соодветни чекори во однос на анализи, третман и опсервација на пациентката, информираа денеска од Министерството за здравство.
Во него стои, „од анамнезата има податок за прележан ковид пред шест месеци“.
„По направените лабораториски анализи наодите укажувале на мускулно-воспалителна реакција со покачени вредности на креатин киназа и креатин киназа MB, во рамки на вирусен инфект кој го зафатил и срцевиот мускул со покачена вредност на срцевиот ензим-тропонин.
По влошување на состојбата, заклучок на Комисијата е дека се преземени потребните чекори, согласно медицина базирана на докази и клиничката слика на пациентката.
Комплетниот извештај од Комисијата за стручен надзор ќе биде проследен до Јавното обвинителство“, информираат од МЗ.
Шестгодишното девојче почина на 22-ри март во Битолската клиничка болница, а пред неколку дена во Битола и Скопје се одржаа протести со кои се побара целосно расветлување на овој случај.