Од Министерството за здравство денес соопштија дека вкупно 55 970 лица досега изразиле интерес за вакцинација против коронавирус преку веб-страницата „Vakcinacija.mk“.
Вкупно 264 здравствени работници се вакцинирани до утринава до 10.30 часот, од кои само во текот на вчерашниот ден имало 202-ца. Вакцинацијата и денеска се одвива непречено во модуларната болница во Скопје.
„Од следната недела вакцинацијата ќе почне и кај здравствените работници во болниците низ државата, како и приватните болници.
„Со ова, нашата земја ќе биде една од ретките земји во Европа во која ќе ја имаат примено вакцината против ковид-19 сите здравствени работници кои лекувале пациенти позитивни на коронавирусот. Вакцините се безбедни и развиени на сигурни платформи. Во неделата, од Србија добивме 4680 од вкупно 8000 вакцини од компанијата Фајзер“, соопштуваат од МЗ, при што дополнуваат дека:
„Вакцините се безбедни и развиени на сигурни платформи. Во неделата, од Србија добивме 4680 од вкупно 8000 вакцини од компанијата Фајзер. Во текот на следната недела, во Северна Македонија се очекува да пристигнат и другите количини од Србија. До крајот на месец февруари, се очекуваат да пристигнат и 200-те илјади вакцини од Народна Република Кина“.