Најстудено утрово е во Берово со -6 степени и Скопје-Петровец со -3. Минусни температури има и во Битола, Прилеп, Стурмица и Куманово, а најтопло е во Дојран со измерени 2 степени.
Во првата половина од ноќта преовладуваше ведро време, а подоцна имаше зголемување на облачноста. Дуваше слаб до умерен ветер од променлив правец. Изутринава е променливо облачно, а во Куманово и Демир Капија има појава на магла со ограничена хоризонтална видливост од 50 метри, информираат утрово од Управата за хидрометеоролошки работи.
Времето денеска ќе биде променливо облачно, претежно во северните делови со повремен локалeн слаб дожд, а на некои повисоки места и на планините слаб снег. Ќе дува слаб до умерен ветер од северен правец. Максималната температура ќе биде во интервал од 5 до 10 степени.
Во Скопје ќе биде променливо облачно со слаб до умерен северен ветер. Максималната температура ќе достигне до 8 степени.