На албанската државна телевизија емирувана е новогодишна честитка на македонски и на јазиците на етничките заедници, српски,грчки, влашки и ромски.
Честитката на македонски јазик ,во траење од триесет секунди, ја упати Нико Китани, член на Државниот комитет за малцинства при албанската влада,како претставник на македонската етничка заедница.
-Новогодишните празници се време кога си ги потврдуваме нашите искрени честитки. Ги испраќам моите најискрени желби да им ја честитам Новата 2017 година на сите Македонци каде и да се, и на сите граѓани на Република Албанија,со желби за добро здравје,среќа,спокојство и хармонија во секое семејство.Во новата година уште посилно и уште подлабоко да ја негуваме нашата традиција на соживот,почитување и прифаќање на различности.Среќна и бериќетна 2017 година, – порача Китани, претставник на Македонците во комитетот, чиј прв човек е Гркинката Констандина Бежани.
За првпат честитка и на макдонски јазик беше емирувана пред две години,што Китани го оцени како историски чин.
Тој се надева дека конечно годинава на албанската државна телевизија ќе почне и емитување еднаш неделно информативни и други емисии за животот, културата и традициите на малцинствата.