Во пожар во мала фабрика за облека на Филипините утринава загинаа 15 луѓе бидејќи пожарникарите не можеле навреме да стигнат до зградата поради поплавите во областа.
Покрај поплавите, пожарникарите доцнеле и поради метеж, а им била дадена и погрешна адреса, изјави Наум Тароза од Бирото за противпожарна заштита.
Пожарот во селото Таданг Сора во предградието на Кезон Сити бил изгаснат по два часа, а истрагата за причините за пожарот е во тек.
Се претпоставува дека повеќето од жртвите се работници во фабрика, кои спиеле во своите соби кога избувнал пожарот. Меѓу загинатите се и сопственикот на фабриката и неговото дете, изјави Тароза.
Три лица преживеале со повреди со кои се здобиле панично скокајќи од вториот кат на фабриката, додаде тој.
Во фабриката се чувале запаливи материјали и текстил кои се користат за изработка на облека.