На егејскиот остров Тасос кризата е живо чудовиште, единственото нешто за кое секој зборува. Тоа има многу лица и секое едно од нив ги тера луѓето да се плашат, пишува во свој материјал агенција ДПА.
На Тасос доаѓаат туристи, но недоволно од туристите кои трошат многу, за да ги намалат грчките стравови предизвикани од уште еден бран на мерки за штедење, поради континуираната економска криза во Грција.
Плажите во текот на денот изгледаат полни со туристи, но сопствениците на домашни компании посочуваат дека стотици лежалки под чадор остануваат во најголем дел неисполнети на островот, кој е на 20 километри од грчкото пристаниште Кавала. Навечер туристите ги оставаат своите деца да си играат со играчки во продавниците на главната пешачка улица на главниот град Тасос (Лимен), но ретко купуваат нешто.
Повеќето посетители, кои влегуваат во продавницата за сувенири Бони дури не одговараат на поздравот на 52-годишниот сопственик Спирос Вулгаридис. Тие не сакаат да ни одговорат, бидејќи ќе се почувствуваат обврзани да купат нешто, додаде тој.
Спирос и неговата жена Марија управуваат продавница од 1995 година. Во позадината на падот на продажбата и зголемените трошоци за продавницата Вулгаридис очекува мрачни перспективи. Отворам во 10 часот наутро и затворам на полноќ, истакна тој. Заработуваме по 50 евра на ден – можеби. Тоа е една петтина, една шестина од она што го заработувавме во изминатите години. Големата сезона е шест недели и од она што го заработуваме тогаш треба да плаќаме кирија за цела година и да живееме. Сега уште даноци? Како ?, прашува тој.
Чудно е дека бизнисот не оди особено откако улиците се исполнети со туристи, а фериботите носат автобуси полни со посетители секој ден. Повеќето гости сепак доаѓаат од Балканот – Романија, Бугарија, Србија, Македонија – места каде патувањето во странство е релативно ново, а паричници се потенки. Ниту една од овие земји не може да се спореди со големото трошење на пари на западноевропејците – Германци и Британци особено, чија недостаток е очигледен ова лето.
Најмногу од сè можеби на грчките туроператори им недостигаат локалните туристи, кои обично ги преполнуваат одморалиштата од петок до недела секој викенд од мај и масовно одмараат подолго во августовските горештини.
Има страв од иднината и луѓето не се расположени да одмараат, посочи градоначалникот на Тасос Костас Хадзиемануил. Забарот, кој се ангажирал со политика, ја направи оваа проценка , откако лидерите на еврозоната се согласија да започнат преговори за третата за пет години спасувачка програма за Грција. Тој изрази надеж дека договорот, макар и да вклучува зголемување на даноците за островите, може да претставува нов почеток за неговата земја. Ќе видиме дали договорот со кредиторите ќе го промени ставот и ќе ја зголеми посети во август, посочи независниот политичар. Ситуацијата е тешка, но не сум песимист, дополни Хадзиемануил. На мислење сум дека договорот беше потребен. Се случи . Треба да се држиме до него и да го претвориме во почеток на реално решавање на кризата, истакна тој.
Градоначалникот сепак е исклучок на овој остров од 380 квадратни километри. Депресијата е вообичаеното расположение. Освен тоа има незадоволство меѓу оние кои го поддржаа премиерот од (крајна) левица Алексис Ципрас на референдумот на 5 јули, на кој грчките гласачи ги отфрлија мерките за штедење, кои потоа неговата влада спротивно на тоа ги усвои минатата недела.
Го избравме Ципрас, за да направи една работа, посочи 40-годишниот Танасис Мандзавелас, сопственик на хотелот Delfinia во главниот град на островот. На референдумот повторно изјавивме тој да направи една работа, а потоа го направи спротивното. (…) Мислам дека Грција треба да прогласи банкрот, да почне одново веднаш. А наместо тоа зедовме уште еден заем. Кризата продолжува пет години, а сега само ја продолжување, додаде тој.
Според локалните жители, исклучително важни западноевропски туристи го избегнуваат островот поради информациите за редици пред банкомати и шпекулациите дека Грција може да остане без гориво.
Може сепак уште нешто да ги држи Германците настрана: многу Грци речиси се насмевнуваат со презир, кога ќе се спомене Германија. Тие ја обвинуваат владата на канцеларот Ангела Меркел за наметнатите штедења. Инсистираат на тоа дека не е ништо лично и германските туристи се добредојдени. И иако има малку информации за антигермански недоразбирања на островот, тие сепак се случуваат според германски онлајн форуми за грчкиот туризам.
Волфганг и Зилка Шенк од западногерманската град Билефелд заминале на Тасос со ќерка Озил на одмор. Тие посочуваат дека го презеле патувањето по свое размислување.
Се грижевме да ги носиме парите во готово, се грижевме за гориво, за атмосферата, прецизира Волфганг Шенк. Решивме сепак да тргнеме, бидејќи ја сакаме Грција. Луѓето отсекогаш биле пријателски настроени и не сакавме да им вртиме грб, кога имаат проблеми, додаде тој.