Веселин Милиќ, началник на Полициската управа за Белград, изјави дека уапсеното момче К.К. нападот го планиралo еден месец и дека го користел пиштолот кој го зел на татко му, како и дека со себе имал четири молотови коктели.
Тој рече дека напаѓачот го планирал нападот еден месец, а со себе имал список со децата кои сакал да ги убие, како и планови на училниците.
Милиќ рече дека го избрал денешниот ден бидејќи училницата по историја е најблиску до влезот и дека денес неговиот клас за прв час имал историја.
Тој рече дека К.К. на влезот во училиштето пукал во обезбедувањето и двете девојчиња кои биле на влезот. Потоа влегол во училницата по историја, и ги застрелал наставничката и децата. Милиќ додаде дека К.К. после тоа излегол во дворот и повикал полиција.
Веднаш по пристигнувањето во училиштето, рече Милиќ, полицијата го уапсила момчето и го пронашла оружјето.