Најава за невреме со пороен дожд и грмежи во сабота

Управа за хидрометеоролошки работи информира дека до сабота ќе се задржи многу топло време со натпросечна температура и со умерен, а во сабота засилен јужен ветер.

Под влијание на атмосферски фронт во сабота попладне и во ноќните часови ќе биде нестабилно со пороен дожд и грмежи, наместа во форма на невреме со интензивен дожд за кратко време (над 20 л/м2 за 6 часа), силен ветер, поинтензивни електрични празнења и услови за појава на град.

Од недела следува посвежо време со умерен, повремено засилен ветер од западен и северозападен правец.

Температурите ќе се намалат за 7-8 степени, па така во недела максималната ќе биде до 32 степени Целзиусови.