Италијанскиот спринтер Ламонт Марсел Џејкобс изјави дека неговиот сон се остварил со освојување на олимпиското злато во Токио.
Џејкобс ја истрча делницата за 9,80 секунди и го постигна најголемиот успех во кариерата.
– Не знам. Ова изгледа како сон. Се чувствувам фантастично. Можеби ќе разберам што направив утре, но сега се ми изгледа неверојатно-рече 26-годишникот роден во САД, поточно во Тексас.
На Италијанецот прво му честиташе неговиот сонародник Џанмарко Тамбери, кој освои злато во скок во височина.
– Џанмарко и јас отсекогаш се поддржувавме. Сите ја знаеме неговата приказна, можеше да освои злато во Рио, но се повреди. Она што го прославивме заедно е спектакуларно. Верувам во него, тој верува во мене – додаде Џејкобс.
– Мојот сон беше да победам на Олимписките игри, да истрчам во финалето. Сонот стана реалност. Благодарение на моето семејство, тие секогаш ме поддржуваа, моите синови, Ентони и Џереми и мајка ми, која е мојот најголем обожавател. Исто така и на мојот тим што ме следеше и ме поддржуваше – заклучи Џејкобс.