Со преселбата од Барселона во ПСЖ, Нејмар испиша фудбалска историја. Бразилецот беше продаден за 222 милиони евра и се уште е најскапиот фудбалер во историјата.
Одличниот напаѓач долго време не игра сериозен фудбал поради повреда. Неговата единствена желба беше Златната топка, поради што ја напушти Барселона за да избегне да биде во сенка на Меси, но се појасно е дека никогаш нема да ја освои таа престижна награда.
Нејмар, сега член на Ал Хилал, заработи милиони во ПСЖ, а сега е откриена бизарна клаузула според која Французите за еден негов гест платиле 200 илјади евра.
Ова го откри Луис Брион, поранешен играч на Кристал Палас, кој не сакаше да каже кој му ја дал информацијата.
„Најлудата клаузула за која сум слушнал е онаа на Нејмар од ПСЖ. На тренерскиот курс запознав член на стручниот тим на Париз. Нема да го кажам неговото име, но тој ми кажа дека Нејмар има клаузула во договорот дека секој пат кога оди и се поздравува со навивачите на својот клуб по натпревар, добива бонус од 200.000 евра“, изјави Брион.