Најмалку 27 лица загинаа во голем пожар што избувна во центар за одвикнување од дрога во северен Иран во петокот наутро.
„Дваесет и седум лица загинаа, а 12 се пренесени во болница кога избувна пожар во провинцијата Гилан северно од Техеран“, објави веб-страницата „Мизан онлајн“, цитирајќи го покраинскиот судија Есмаил Садехи, објави „Гардијан“.
At least 27 killed in fire at drug rehab centre in northern Iran https://t.co/HjRiQqcgZe pic.twitter.com/x2giyMLlGv
— The Independent (@Independent) November 3, 2023
Причината за пожарот се уште не е позната, но Садехи навел дека истрагата е во тек.
Во август избувна пожар во големата чаршија во Техеран при што беа оштетени бројни продавници, но во несреќата немаше жртви. Во јануари 2017 година, во пожар во трговскиот центар Пласко во Техеран загинаа најмалку 22 лица, вклучително и 16 пожарникари.