Најнов ЦРН БИЛАНС: Бројот на загинати во Појасот Газа надмина 6.500

Бројот на загинати во израелските напади врз Појасот Газа денеска надмина 6.500, а повредени се над 17.400 лица, соопшти палестинското министерство за здравство.

Во соопштението се прецизира дека од 7 октомври досега во таа палестинска енклава загинале 6.546 лица, од кои 2.704 се деца, 1.584 се жени и 364 се постари, пренесува РИА Новости.

На 7 октомври палестинското милитантно движење Хамас изврши ракетен напад на израелска територија, по што борци на таа организација навлегоа во пограничните области на југот на Израел и земаа заложници. Израел возврати со воздушни напади врз таа палестинска енклава, пренесува „Танјуг“.