Најнови цени на горива во регионот, во Македонија дизелот најевтин

Од вечерва има нови цени за горива во земјава и регионот откако цените на светските берзи повторно растат. Согласно најновите корекции сеуште плаќаме најевтин дизел во регионот и покрај зголемувањето од 4 денари кое го најави Регулаторната комисија за енергетика.

Споредбените податоци со земјите во регионот покажуваат дека најскап дизел се точи во Грција или 1,99 евра за литар а најевтин во Македонија или 1,31 евро за литар. По Македонија, најевтин дизел има во Босна каде чини 1,39 евра за литар, па следи Бугарија со 1,46 евра и Србија со 1,52.

За да спречи енормно зголемување на цената на горивата, Владата ја намали акцизата за горивата и ДДВ-то за енергенси од 18 на 10%.