Војвотката од Сасекс, Меган Маркл, денеска заплака на погребот на кралицата Елизабета.
Меган пристигна од погребот одделно од сопругот принцот Хари, кој беше дел од поворката што го следеше ковчегот на кралицата од Вестминстерската палата до опатијата. Во текот на денот, имаше извештаи дека Меган и Хари се настрана во споредба со остатокот од семејството, а фотографијата од расплаканата Меган докажа дека има одредена вистина во овие тврдења.
Сите членови на семејството сега се во замокот Виндзор, каде што ќе се одржи приватна погребна церемонија за кралицата, по големата државна церемонија одржана во опатија.
Непријатно изненадување
Во пресрет на погребот на кралицата Елизабета Втора, Бакингемската палата донесе одлука која претставува нов удар за принцот Хари и неговата сопруга Меган Маркл.
Имено, палатата објави како ќе се движи поворката што ќе го следи ковчегот на кралицата, како и редот на луѓето во него. Очекувано, на чело е кралот Чарлс со сопругата Камила, а зад него се помладите браќа принцовите Ендру и Едвард, како и сестрата Ана.
Бидејќи Вилијам неодамна стана принц од Велс и официјален наследник на круната, тој и Кејт Мидлтон – принцезата од Велс ќе одат зад децата на кралицата Елизабета.
Сепак, следниот ред ја шокираше британската јавност и уште еднаш фрли сомнеж во односот на принцот Хари со остатокот од семејството.
Децата на Вилијам – принцот Џорџ и принцезата Шарлот – ќе одат пред него и неговата сопруга. Многумина го протолкуваа фактот дека Хари и Меган беа позиционирани зад нивните внуци како уште една порака од остатокот од семејството, со која Хари со години не е во добри односи.
Фото: AP Photo/Martin Meissner, Pool