Стапката на невработеност за ЕУ и еврозоната во јули благо опадна, се вели во извештајот на Европскиот завод за статистика.
Стапката на невработеност во ЕУ, измерена со методологијата на Меѓународната организација на трудот (МОТ), изнесуваше 6,9 проценти во јули, што е намалување во однос на 7,1 проценти во претходниот месец, пресмета Еуростат.
Во еврозоната, падна од ревидирани 7,8 проценти на 7,6 проценти.
Нејзината вредност и во ЕУ и во еврозоната во јули беше најниска од мај минатата година кога владите започнаа да воведуваат програми за зачувување работни места во корона – кризата.
Според проценките на Еуростат, вкупно 14,613 милиони луѓе биле без работа во ЕУ во јули, од кои 12,334 милиони биле во еврозоната.
Во споредба со јуни, нивниот број во ЕУ е намален за 430 илјади, а за 350 илјади во еврозоната. Во споредба со јули 2020 година, бројот на невработени е помал за 1,521 милион во ЕУ и за 1,336 милиони во еврозоната.
Грција и Шпанија на врвот на црната листа
Меѓу земјите со чии податоци располагаше Евростат, највисоката стапка на невработеност кај младите во јули е забележана во Грција, 37,6 проценти, потоа Шпанија, 35,1 проценти. Следува Италија, со 27,7 проценти.
Холандија во јули имаше најниска стапка на невработеност за граѓаните под 25 години, со 7,3 проценти, потоа Германија со 7,5 проценти. Блиску се и Чешка и Данска, со осум и 8,2 проценти, соодветно.