Сообраќајот на државните патишта се одвива непречено, по претежно суви коловози, информираат од Авто-мото сојузот на Македонија.
Намалена видливост поради појава на магла до 100м. има на патниот правец Катланово – Велес.
-Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, стои во соопштението од АМСМ.