Наместо 200, во карантин во Пепелиште сместени само деветмина: Условите се ужасни, ќе се разболиме (ВИДЕО)

Вчера властите информираа дека во касарната во Пепелиште во карантин ќе се сместат 200 македонски граѓани кои организирано од граничниот премин Деве Баир ќе бидат донесени во Пепелиште и под надзор ќе мора тука да поминат 14 дена. Тие претходно заглавија по аеродромите и граничните премини на средно ризичните европски земји според листата на Светската здравствена организација.

Но, синоќа таму стигнале само деветмина. Тие велат дека сите други биле пуштени по дома, во изолација во домашен карантин.

Битолчаните во видео материјалот што сами го снимија велат дека условите во објектот биле катастрофални.