Направете сами, домашен природен сок полн со витамини

Сок од портокал и лимон

1 замрзнат портокал

1 свеж портокал

1-2 лимони

500 гр шеќер

1 кесичка сок од лимон

2,5 литри вода

Портокалот и лимонот прво натопете ги десет минути во вода во која сте додале сода бикарбона, а потоа исплакнете ги со млаз вода.

Замрзнатите портокали изрендајте ги на ренде , исто така изрендајте ја кората од лимон и ставете ги во сад. Потоа добро исцедете ги незамрзнатите портокали и лимони и ставете ги во садот.

Додадете вода, шеќер и сок од лимон и оставете покриено неколку часа (по можност преку ноќ). Повремено мешајте да се стопи шеќерот.

Следниот ден преработете го сокот најпрво низ цедалка, а потоа низ газа. Истурете го сокот во измиени и стерилизирани шишиња, добро затворете ги и оставете ги во фрижидер.