Нашиот кларинетист Ламњов дел од циркус-операта во Шведска (ВИДЕО)

Македонскиот кларинетист Благој Ламњов, кој живее и работи во Малме, Шведска беше дел од светската премиера на новата циркус-опера на американскиот композитор Филип Глас.

Велешанецот Благој Ламњов свири на кларинет и е еден од музичарите кои настапија во претставата „Циркуски Денови и Ноќи“. Во неа освен овие музичари, учествуваат и врвни имиња на светскиот циркус.

Од претставата „Циркуски Денови и Ноќи“ ќе се играат вкупно 10 претстави до 13 Јуни.Планирана е турнеја околу светот во наредните 7 години.

Фото:  Мартин Паулсон