И покрај забраната за допинг, Михајло Мудрик отпатува во Полска со надеж дека ќе биде награден како и останатите негови соиграчи од Челси по триумфот во финалето против Бетис (4-1). 24-годишниот Мудрик беше суспендиран откако беше позитивен на забранетата супстанца мелдониум во ноември минатата година. Сепак, тој отпатува сам во Вроцлав за финалето!
На денот на финалето, кое Челси го доби против Бетис (4-1), тој беше фотографиран во локален бар. Уште повеќе, носеше јакна со логото на лондонскиот клуб. Англиските новинари го прашаа менаџерот Енцо Мареска за Мудрик, но тој изгледаше несвесен за присуството на неговиот играч во Вроцлав.
„Искрено, јас само… Дали е тука или доаѓа? Значи, тој е тука. Мило ми е што Миша е тука. Не знам, само го кажав тоа. Мило ми е што Миша е тука“, прокоментира збунетиот италијански стручњак.
Сепак, на церемонијата на доделување награди, Мудрик не беше виден покрај своите соиграчи од Челси. Ниту на прославата што следеше.
Таблоидот „The Sun“ дознава дека се надевал дека ќе добие медал, но клубот му забранил да учествува во прославите, и покрај тоа што одигра 6 натпревари во Конференциската лига, постигнувајќи 3 гола во првиот дел од сезоната.