Сончево со слаб до умерен ветер од северен правец e прогнозата на Управата за хидрометеоролошки работи (УХМР) за денеска. Во текот на денот во најголемиот дел од земјата ќе преовладува сончево време со мала облачност која во вечерните часови ќе се зголемува.
Минималните температури ќе се движат во интервал од -11 до -3 Целзиусови степени, додека максималните од 3 до 12 степени.
Во Скопје, сончево со слаб ветер од северен правец. Температурата ќе се искачи до 10 степени Целзиусови.
Следува период на стабилно време со ниски утрински температури и услови за појава на утринска магла по одделни котлини. Во петок ќе има зголемена облачност и ќе дува засилен ветер од северен правец. Дневните температури ќе бидат во пораст, особено за време на викендот и во почетокот на новата седмица.