Добро започна ерата на Арне Слот во Ливерпул. Две победи по 2:0. Сепак, еден детал од мечот со Брентфорд фрли сенка на се што е добро. Тоа е незадоволниот израз на Трент Александар-Арнолд кога излегува од вчерашниот натпревар.
Како и против Ипсвич во првото коло и против Брентфорд, Слот беше меѓу првите кои го извадија англискиот репрезентативец. Беше јасно дека Трент не беше среќен, па дури и самиот Слот седна до него во еден момент и разговараа додека се играше.
Сепак, холандскиот тренер истакнува дека најсериозно смета на десниот бек и дека одлуката за промена била стратешка.
„Трент несреќен? Верувам дека сите сакаат да играат, оние на клупата сигурно се понезадоволни. Но, Трент имаше напорно лето, играјќи за националниот тим и имаше само неколку недели одмор. Ни треба не само за првите два-три натпревари, туку и за цела сезона. И затоа го чуваме. Исто така, добро е што имам квалитетна замена во форма на Конор (Бредли)“, изјави Слот.
Овие работи стануваат уште поважни кога се знае дека договорот на Александар-Арнолд истекува за помалку од една година и дека се уште не е договорен нов договор меѓу Ливерпул и неговото дете.