Во општина Струга сите гласачки места се отворени навреме, во 7 часот утрово, потврди претседателот на Општинската изборна комисија Бледар Зиба.
– Сите гласачки места беа отворени навреме, без никакви проблеми. Гласањето тече нормално, изјави Зиба за МИА.
Стружани своето гласачко право во вториот круг на претседателските избори ќе го остварат на 101 избирачко место. Во Избирачкиот список во оваа општина регистрирани се 60.459 лица. Правото на глас вчера го остварија 62 стари, болни и изнемоштени лица и 19 затвореници што отслужуваат затворска казна во Струшкиот затвор.
И во трите избирачки места во Општина Вевчани гласањето почнало во 7 часот, потврди претседателката на тамошната ОИК Параскева Кукоска.
– Изборниот процес почна навреме. Трите избирачки места се отворени во 7 часот и гласањето тече без никакви проблеми, изјави Кукоска за МИА.
Во Избирчакиот список во Вевчани се регистрирани 2.048 гласачи, од но ниту еден не беше пријавен за предвреме да го оствари своето гласачки право вчера.