Најавена истрага во врска со документите пронајдени во канцеларијата на Бајден

Конгресниот комитет соопшти дека ќе истражи зошто документите означени како доверливи биле пронајдени во поранешната приватна канцеларија на претседателот Џозеф Бајден во невладина организација во Вашингтон.

Новиот републикански претседател на Комитетот за надзор на владата, Џејмс Комер, рече дека телото е „загрижено што претседателот Бајден компромитирал разузнавачки извори“, пренесува Би-Би-Си.

Документите, откриени во „Центарот Пен Бајден“ во Вашингтон, наводно содржат извештаи за странски земји, а американското министерство за правда моментално го разгледува предметот.