Нашите хормони се чувствителни и нивната нерамнотежа може да биде предизвикана од различни фактори. Овие проблеми се поверојатно да се појават кај жените отколку кај мажите, и додека исхраната, контрацепцијата и лековите може да ги нарушат хормоните, стресот е исто така голем предизвикувач на хормоналната нерамнотежа.
Чувството на преоптоварување, лутина, раздразливост и загриженост, како и замор или лошо расположение, може да бидат знаци дека сте под стрес, а хормоналната нерамнотежа предизвикана од стрес може да доведе до сериозни здравствени проблеми кои воопшто не се безопасни.
Како стресот влијае врз нашите хормони?
„За време на стресните периоди, циркулирачките нивоа на хормоните на стресот како што се адреналин, норадреналин и кортизол се зголемуваат и предизвикуваат каскада од физиолошки реакции.
Таквата трајно покачена состојба на стрес може да доведе до бројни физички и емоционални симптоми и хормонски нарушувања“, предупредува д-р Сара Бруер и ги издвојува четирите најчести проблеми до кои доведува хроничниот стрес.
– чувство на исцрпеност, губење на енергија и депресија
– намалување на либидото
– промени во менструалниот циклус и отсуство на менструација
– прекумерна тежина
Како можеме да си помогнеме себеси?
За среќа, д-р Бруер забележува дека постојат ефективни начини на кои можете да им помогнете на вашите хормони, а техниките за намалување на стресот вклучуваат редовна физичка активност, правилна исхрана, избегнување екрани, земање суплементи и намалување на внесот на алкохол.