Хјустон го победи Далас во тексашката пресметка со 118-108, а предводеше Џејмс Харден со 24 поени и 11 асистенции, на првата ноќа од плејофот во НБА-лигата.
Идентична реализација имаше и Дирк Новицки кај Далас, меѓутоа неговата помош од соиграчите беше нешто послаба. Хјустон водеше со 59-55 по две четвртини, а од третата сериозно тргна кон победата, па до крајот на мечот најблискиот резултатски контакт кој го издејтвува Далас беше шест разлика.
Најдобриот тим од основниот дел од сезоната, Голден стејт продолжи во фаворитски тренд и во плејофот, славејќи со 106-99 против Њу Орлеанс. Првите ѕвезди на екипите беа на ниво, Стеф Кари со 34 поени, а Ентони Дејвис со 35, меѓутоа разликата ја направија останатите стартери од тимот на Голден стејт. Тие постигнаа 94 од 106-те поени на вориорс, решавајќи го мечот уште по првиот дел кој заврши со 59-41.
За одбележување синоќа е камбекот на Дерик Роуз во еден плејоф натпревар првпат по три сезони и тоа со победа со 103-91 во првиот меч со Милвоки. Единствениот фаворит во плејоф-сериите кој не ја искористи предноста на домашниот терен беше Торонто, кој загуби од Вашингтон со 93-86 по продолженија, откако по четири четвртини важеше 82-82.
Овие серии се конференциски четвртфиналиња и се играат по принципот прв до четири победи.
Последни резултати
Торонто – Вашингтон 86-93 (82-82) 0-1
Голден стејт – Њу Орлеанс 106-99 1-0
Чикаго – Милвоки 103-91 1-0
Хјустон – Далас 118-108 1-0