„Не е точно дека Меси ќе ја освои „Златната топка“

Директорот на „Франс фудбал“, Паскал Фере, кој традиционално ја доделува „Златната топка“, повторно мораше да демантира објавени информации.

Откако неодамна „Марка“ објави дека добитник на наградата е Роберт Левандовски, португалската телевизија РТП објави дека признанието ќе му припадне на Лионел Меси.

Оваа телевизија беше нападната од Фере, нагласувајќи дека веста е лажна.

-Таа информација е едно големо ср*ње, како и многу други работи во претходните 10 дена. Голем блеф – изјави Фере.

Главни кандидати заедно со Меси за освојување на наградата се Роберт Левандовски и Карим Бензема, а во трката се вклучи и Мохамед Салах.

„Златната топка“ ќе биде доделена на 29 ноември, а рекордер е Меси (6).