Почетокот на преговорите за членство на РС Македонија во Европската Унија нема да зависи од идната бугарска влада, туку од самата РС Македонија. Ова го изјави бугарскиот претседател и кандидат за втор мандат Румен Радев, јави репортерот на БГНЕС.
„Клучот за почеток на преговорите со ЕУ за РС Македонија е во почитувањето на правата на македонските Бугари, во искоренувањето на јазикот на омразата, во прекинот на обидите за систематско уништување на културното бугарско историско наследство. Почетокот на преговорите нема да зависи од следната нова влада и нов парламент, туку од самата РСМ, која мора да преземе соодветни мерки. Убеден сум дека само со отворен дијалог меѓу Софија и Скопје ќе ги изградиме искрените пријателски односи што ги очекуваат луѓето од двете страни на границата“, нагласи Радев.
Тој потсети дека за време на неговата средба со францускиот претседател Емануел Макрон и германската канцеларка Ангела Меркел во словенечкото одморалиште Брдо, многу јасно ја искажал бугарската позиција.
„Во средината на октомври имав средба со Макрон и Меркел и многу јасно им ја кажав бугарската позиција ним и на сите европски лидери“, рече Радев.