Се уште трае средбата на претседателката Гордана Сиљановска Давкова со нејзиниот бугарски колега Румен Радев во Софија. Радев ја пречекал Сиљановска на предниот влез од Бугарското претседателство. Не се предвидени изјави за медиумите по разговорот меѓу двајцата претседатели.
Македонската претседателка е во прва посета на нашиот источен сосед откако дојде на функцијата во мај годинава. Таа вечерва во Софија ќе присуствува на настап на Македонската опера и балет во бугарскиот главен град.
Радев претходно коментираше дека очекува изразената желба за дијалог меѓу Скопје и Софија да стане конзистентна политика:
„Очекувам искажаната желба за дијалог и разбирање од страна на претседателката Силјановска да стане конзистентна политика и на владата на РСМ“, посочи шефот на бугарската држава.
Во меѓувреме, во Бугарското собрание, во одговор на пратеничко прашање, вршителот на должноста премиер Димитар Главчев изјавил дека бугарската влада нема да репреговара за промена на условите кои Македонија мора да ги исполни за да ги започне преговорите со ЕУ.
„Нема за што да се преговара. Ние го имаме ставот на Бугарија. Тие велат дека нема да преговараат со преодна влада, но јас би рекол дека не сакаат да преговараат на наша страна, бидејќи нема за што да се преговара. Паневропски став Да се преговара со Европската Унија На последниот Европски Совет изјавив дека Република Северна Македонија не се придржува кон своите обврски, поради што истото го кажа и премиерот на Грција. Република Северна Македонија не го почитува Договорот од Преспа, затоа го кажавме нашиот став на највисоко можно ниво – Европскиот совет“, коментирал Главчев.