Имам големи планови за понатаму, изјавил уапсениот Беран Алији (19), чии родители се по потекло од Македонија, откако на крајот на јули дал отказ за да се подготви за терористичкиот напад на концертот на познатата пејачката Тејлор Свифт во Виена.
Според информации од членови блиски до семејството, осомничениот Беран, кој добил прекар Мухамед, потекнува од Гостивар. По националност е етнички Албанец, но ретко доаѓал во Македонија.
Во Македонија бил кога бил мал а соседите го опишуваат како мирно и воздржано дете кое не правело проблеми, пренесува порталот „24сата.хр“.
NEW – Islamist Beran A. (19) planned the Swift terror attack in Austria. He wanted to kill "non-believers in Vienna," he said during his police interrogation — oe24 pic.twitter.com/b3hrb6p5LM
— Disclose.tv (@disclosetv) August 8, 2024
– Ги знаеме неговите родители и семејството, но не и него. Роден е во Виена, каде одел на училиште и се понатаму. Доаѓаше овде и порано, но не го паметиме многу добро. Неговите родители не се некакви верски фанатици, навистина не знаеме што се случило – велат соседите, пишува хрватскиот медиум и продолжуваат:
– Тие се религиозни, но ни случајно вака радикални. Тоа навистина не шокираше сите нас. Станува збор за традиционално семејство. Мислиме дека не ни живеел со своите родители. Фала му на Бога што не успеа во своите намери, ќе беше катастрофа. Не знаеме што имало во главата на тоа дете, за да се одлучи за такво нешто.
suspect: Beran A was hired by the security company, but the Intel community is tight lipped, was arrested in Ternitz, south of Vienna with a second person in the Austrian capital.
so, no REAL photos/names of the suspects? #TaylorSwift https://t.co/Wn1LUjnhtD pic.twitter.com/YHGPcADlog— Sportsman Nate (@foursticks_nate) August 8, 2024
Соседите велат дека не се радикализирал во Гостивар.
– Не знаеме ни кога почна да се радикализира бидејќи не сме го виделе овде. Не знаеме дали тој се приклучил на некоја група таму. Но, знаеме дека тоа секако не е случај овде во Гостивар. Овде нема радикали, а ако ги има, тие се повлечени во своите домови. Овде живееме во соживот со Македонците, Турците, Бошњаците… Има православни и муслимани. Не станува збор за никаква верска нетрпеливост, стои во текстот на „24сата.хр“.
Генералниот директор за јавна безбедност на Австрија, Франц Руф, соопштил дека главниот осомничен признал се и детално ги опишал плановите за нападот.
Руф потврдил и дека информациите за нападите ги добиле од тајната служба.
– Запленивме многу материјали за изработка на бомба. Трагаме по останати инволвирани , известил тој.
Како што претходно беше соопштено, Беран планирал да се забие со својот автомобил во толпата народ пред стадионот каде што требаше Свифт да настапи и да активира експлозив.
Според австриските безбедносни сили, по двете апсења, минимизирана е опасноста од конкретната закана, но сепак постои апстрактна закана. Превентивно биле расчистени и куќите во близина на домот на осомничениот, поради страв од присуство на поголеми количини експлозиви.