Состојбата на обезбеденоста на производството со порачки во ноември годинава, во однос на претходниот месец, е поповолна, како и очекувањата за обемот на производството во наредните три месеци, а резервите на готови производи незначително сe зголемени, покажуваат податоците на Државниот завод за статистика.
Оцената за економската состојба на деловните субјекти во ноември 2015 година е поповолна во споредба со претходниот месец, а е поповолна и во однос на истиот период лани. Истото се однесува и на оцената за бројот на вработени.
Просечното искористување на капацитетите на деловните субјекти во ноември 2015 година изнесува 64,1 отсто од нормалното искористување.
Најголемо влијание на ограничувањето на обемот на прозводството имаат недоволната
странска побарувачка со 25 проценти, недоволната домашна побарувачка со 24,5 проценти, недостигот од квалификувана работна сила со 23,1 отсто и финансиските проблеми со 5,8 проценти.