Нејмар (33) повторно е во центарот на вниманието на фудбалскиот свет. Иако последниве години повеќе е во вестите за тешки повреди отколку за голови и асистенции, се чини дека бразилскиот виртуоз подготвува голем кам-бек – и тоа на европската фудбалска сцена.
Откако спогодбено го раскина договорот со Ал-Хилал на почетокот на 2025 година, Нејмар (33) се врати во својот матичен клуб Сантос, што многумина го протолкуваа како неминовен крај на импресивната кариера. Но, изгледа дека Нејмар има поинакви планови.
Според бразилските медиуми, неговиот долгогодишен агент Пини Захави веќе започнал сериозни преговори со Милан, еден од најуспешните клубови во историјата на европскиот фудбал. Иако се уште ништо не е официјално потврдено, се поизгледна е можноста Нејмар наскоро повторно да заигра во Лигата на шампионите.
Потенцијална преселба во Милан би бил вистински шок за фудбалската јавност. Бразилецот би пристигнал како слободен играч, без обештетување, но со огромен спортски и маркетиншки потенцијал, што би било исклучителен потег за „росонерите“.
Иако преговорите се уште се во рана фаза, желбата на Нејмар да се врати на најголемата фаза – особено Лигата на шампионите – може да биде клучна. Серија А станува се посилна и поконкурентна, а Милан би можел да му го понуди токму она што му треба за последното големо поглавје од кариерата.
Дали наскоро црвено-црниот дрес ќе го носи името на Нејмар? Доколку дојде до реализација, овој трансфер без сомнение би бил еден од најгласните летово.