Најмалку 800 лица учествуваат во организирани милиции за лов на бегалци на границата на Бугарија. Според нивниот раководител, тие добиваат бесплатна обука од Руси. Ова станува јасно од репортажа на германската државна телевизија ZDF за ловците на бегалци во Бугарија, прикажана во средата вечер (8 јуни).
Новинарка од телевизијата успева да убеди една од овие групи да ги земат со себе за време на рацијата. Филмот започнува со кадри на подготовката на ловците од самонаречената група “Воен сојуз на Бугарија”. Тие се облечени со маскирна облека и носат маски на главите, пишува “24 часа”.
“Кој оди нанапред, кој е позади”, прашува “Саша” – по сопствени податоци поранешен руски војник кој дошол да ги обучува и води волонтерските единици. Потоа зборот го зема “Георги”, кој исто така зборуваше на руски без акцент. “Имаме информации дека во овој сегмент од шумата минуваат бегалци. Треба да ги фатиме”, велат тие. И двајцата Руси не сакаат да ги кажат вистински имиња. Ова го прави само Владимир – Бугарин, командант на групата. Според него 800 негови луѓе се на мисија во моментот на турската граница на различни точки и ловат бегалци. Барем половина од овие мажи имаат воена биографија. Сепак се вооружени само со ножеви – за сопствена заштита. на прашањето што ќе направи ако фатат бегалци, еден од мажите со маски одговара : “Па, сигурно нема да се фрлиме на земјата. Ние, Бугарите, си имаме свои правила. Затоа и ние ќе преживееме за разлика од Германците. “Еден месец во Бугарија полицијата фатила околу 1.500 бегалци. Мажите веруваат дека, сепак, бројот е многу поголем.
Телевизијата покажа и кадри од клип со фаќање на бегалците со извици “Гоу Турк, ноу Бугарија”. Маж, по име Бојан, вели: “Да, треба да се ослободиме од оваа бегалска напаст. Ние, Бугарите, живееме во сиромаштија, а овие африкански и арапски освојувачи доаѓаат тука со пари во џебовите. Им плаќаат да шират тероризам.
“Така мислат мнозина, над половина од бугарското население ги поддржува граѓанските единици на границата, соопшти телевизијата. Ги прикажуваат и кадрите на Динко од Јамбол, во кои тој објаснува пред bTV како е фаќањето на бегалци.
https://youtu.be/tuaVcjoq718
“На овие кадри бугарскиот премиер, поранешен каратист и телохранител, реагира првично така”, вели новинарката иги пушта кадрите на кои Борисов пред бугарските медиуми кои се заблагодари на “момчињата” и вели дека во иднина гранична полиција ќе се координира со нив. Дури кога добива критика и однадвор, владата ја менува својата позиција. Пред камерата на ZDF министерката за внатрешни работи Румјана Бочварова објаснува дека Борисов се заблагодарил на луѓето кои ги заштитуваат бегалците.
“Ние не треба да дозволиме преку Бугарија да се формира нов бегалски пат кон Западна Европа. Но јас сум против работата на граѓанските одреди “, рече таа. Ова очигледно нема голем одек, бидејќи на границите продолжуваат да дејствуваат ловци на бегалци, кои имаат повеќе десетици илјади приврзаници, коментира ZDF.” Знаете, слушнав дека една третина од бегалците имаат СИДА. И ние едноставно ги ставаме еј така во Бугарија. Како секое животно, каде што поминува низ границата, треба да поминат во карантин! Има толку многу работа да се направи “, вели Георги.
Џорџ Озборн ги смирува Британците: Додека сум жив Турција нема да влезе во ЕУ
Бојан вели за возврат дека би им искористила помош како облека, пари или муниција.
“Ние и помагаме на цела Европа”, смета тој. Новинарка се обидува да зборува и со фатени бегалци и го посетуваат кампот . Шефот на домот покажува различни ножеви и стапови, кои се фатени кај бегалците, со кои според него биле напаѓани полицијата.
“кај нив наоѓаме и супстанции, кои потоа се покажаа дрога”, вели тој. Додека тој зборуваше, камерата покажува луѓето во домот – жени, многу бебиња и мали деца, тинејџери, мажи. Една четвртина од бегалците тука се деца, објави новинарката. Не им дозволуваат сепак да разговараат со фатените. “Во бугарското општество постојано се пренесува омраза против бегалците”, вели Красимир Канев од Бугарскиот Хелсиншкиот комитет. Не се дискутира од каде доаѓаат овие луѓе, од каква опасност бегаат.
Единствената тема е како бегалците ја загрозуваат безбедноста на Бугарија, додава тој. Камерата се враќа кај шефот на ловците на бегалци Владимир. тој покажува во својата канцеларија слики од конференција во чешкиот парламент, насловена “тврдина Европа”. Локалните популисти позираат со бугарското знаме. Да, ние се поврзуваме во мрежа, потврдува тој. Потоа ја покажува снимката во неговиот компјутер, на кои руски војници укажуваат техника за заштита и напад. “Ние испраќаме нашите кадри во Русија”, вели тој, објаснувајќи дека таму се учат да ракуваат со оружје и како да се заштитат. “Тоа е одлично! Руски платеници не обучуваат и тоа бесплатно, за што сме благодарни “, вели тој. Ако договорот со Турција пропадне, ние сме подготвени за војна со бегалците, вели таа