Во однос на тоа дали ќе има нови мерки, епидемиолошката состојба се уште не става во зелената зона. На Инфективната клиника има 16 хоспитализации, 9 пациенти се на кислородна поддршка и системот се уште има голем простор за да се дадат услуги. Најважно е да се фокусираме на примарниот здравствен систем. Од тоа произлегува нема да има дополнителни мерки кои ги препорачува Комисијата за заразни болести, рече денеска портпаролот на Комисијата за заразни болести, д-р Злате Мехмедовиќ.
Тој додаде дека е надминат проблемот со недоволниот број тестови за ковид, а појасни дека зголемениот број на случаи на граѓани со стомачни проблеми, како повраќање и дијареја, не е поврзан со ковид-19.
-Можеби најдобар начин да се дознае колку има заболени е да се прават независни истражувања во популацијата, кажа д-р Мехмедовиќ.