Градоначалникот на Струга Рамиз Мерко, уверува дека општина Струга нема никаков проблем со заштитата на природното и културното наследство и дека нема градби во заштитената зона.
– Повеќе пати сум изјавил и сега истото го кажувам дека ние немаме никаков проблем со заштита на природното и културното наследство. Целосно е запазена зоната покрај езерото да нема градби – ниту диви, ниту со дозвола. Во тој предел и не смееме да дадеме одобрение за градење. Одговорни сме и во никој случај не го загрозуваме природното и културното наследство за зачувување на стаусот во УНЕСКО, изјави Мерко.
Оваа изјава на градоначалникот на Струга, доаѓа по најавите на министерката за култура и претседател на Националанта комисија на УНЕСКО Ирена Стефоска дека ќе иницира пред Владата да се разгледа можноста за одземање ингеренции на општините Охрид и Струга за, како што рече, немањето волја за заштита на светското природно и културно наследство впишано на листата на УНЕСКО.