Принцот Хари, војводата од Сасекс, го лансираше новиот документарец Heart of Invictus.
Проектот се емитува на Нетфликс и е прв од документарната серија од пет дела со неговата сопруга Меган Маркл, која кратко се појавува за да го поддржи Хари.
Принцот Хари објасни дека дури кога се вратил од војната во Авганистан станал свесен за траумата што сè уште ја има од смртта на неговата мајка принцезата Дајана во Париз во 1997 година.
Хари во тоа време имаше 12 години.
„Кога се вратив од војната, најголемата борба за мене беше тоа што никој околу мене навистина не можеше да помогне. Немав таква поддршка, стручни совети за да препознаам што навистина се случува со мене. За жал, како и повеќето од нас, првиот пат кога размислувате за терапија е кога ќе се најдете како лежите на подот во фетална положба, веројатно посакувајќи да сте направиле некои од овие работи порано. И тоа е она што навистина сакам да го сменам“, наведе Хари.
Инаку, новата серија беше објавена во пресрет на игрите Invictus (натпревар во кој учествуваат повредени или болни жени и мажи) кои ќе се одржат во септември во Дизелдорф.
Во текот на тие осум дена ќе присуствуваат и Хари и Меган.
Хари е извршен продуцент, а документарната серија е дел од договорот на најконтроверзната кралска двојка со Нетфликс, а нивниот главен резултат досега беше минатогодишниот документарец за Хари и Меган, кој вклучуваше серија напади врз членовите на кралското семејство.