Едно момче загина во уличните нереди и навивачки конфликт по полуфиналниот натпревар на Светското првенство меѓу Франција и Мароко во францускиот град Монпеље.
Според извештаите на локалните вести, момчето било „насилно удрено“ од автомобил и било пренесено во болница, но набргу потоа починало како последица на повредите. Полицијата го истражува овој трагичен настан.
Mondial: des tensions près des Champs-Élysées après la qualification de l'équipe de France en finale pic.twitter.com/rPT8YCUHNz
— BFMTV (@BFMTV) December 15, 2022
Повторно немири во Брисел
Околу стотина навивачи беа приведени во средата вечерта на 14 декември во Брисел поради нереди откако Мароко загуби од Франција со 2:0 во полуфиналето на Светското првенство.
Навивачите се приведени поради нарушување на јавниот ред и мир, оштетување на две полициски возила и поседување забранети огномети.
Делови од улиците во центарот на градот беа опколени во пресрет на натпреварот. На улиците имаше купишта запалено ѓубре, како и голем број полицајци со опрема за контрола на нереди на улиците на Брисел.
Мароко стана првата селекција од Африка која стигна до последните четири на Светското првенство, откако ги исфрли Шпанија во осминафиналето и Португалија во четвртфиналето. Ја победија и Белгија во групната фаза.