Неочекувана вест доаѓа од Саудиска Арабија. Имено, Карим Бензема наводно размислува да стави крај на својата играчка кариера.
Една од најдобрите „деветки“ на 21 век веќе некое време игра во Саудиска Арабија, поточно во Ал Итихад. Бензема игра навистина добро оваа сезона во дресот на саудискиот клуб. Тој постигна десет гола на исто толку натпревари во првенството, но очигледно му дошло преку глава од играње.
Имаше многу промени откако тој се пресели од Реал Мадрид во Ал Итихад. Се случија и двете тренерски промени, Бензема веќе физички не е во најдобар ритам, но далеку од тоа дека не може да игра.
Како што пренесува „Релево“, Бензема поради ова размислува за пензија, а веќе би презел нова работа, во својот стар клуб Реал Мадрид.
Поранешниот француски репрезентативец би станал амбасадор на Реал, како и многу други легенди на овој мадридски клуб. Бензема играше за „галактикосите“ од 2009 до 2023 година.
Французинот постави нови граници во светот на фудбалот, особено кога е во прашање позицијата шпиц. Кариерата ја започна во Олимпик Лион, таму помина четири години, а потоа се пресели во Реал.
За француската репрезентација одигра 97 натпревари и постигна 37 голови.