Најтоплиот ден на глобално ниво од почетокот на мерењето е забележан по трет пат за само четири дена оваа недела. Овие податоци само ги продлабочуваат стравувањата за далекусежните промени кои се случуваат на нашата планета поради климатската криза.
Неофицијалните податоци на американските истражувачи покажаа дека просечната дневна температура на планетата во четвртокот се искачила на 17,23 степени Целзиусови, надминувајќи ги двата претходни рекорди на топлина забележани во последните денови, пренесува CNBC.
Овој неславен резултат доаѓа не долго откако агенцијата за климатски промени на Европската унија потврди дека планетата го забележала најтоплиот јуни досега, со невидени температури на површината на морето и рекордно низок мраз на Антарктикот.
Климатолозите се длабоко загрижени.