Објавен е комплетниот список на учесници на овогодинешниот НБА Ол-стар натпревар, а кај американската јавност впечаток е дека неколку исклучителни поединци беа неправедно изоставени.
Лука Дончиќ, еден од најдобрите играчи во лигата, поради повреди не можеше да учествува на оваа престижна изложба. Кошаркарот на Далас не ги акумулираше потребните 1.000 одиграни минути сезонава и поради тоа беше исклучен од натпреварувањето.
Во иста ситуација се најде и брилијантното крило на Орландо, Франц Вагнер. Германскиот интернационалец беше во потесниот круг на кандидати за МВП пред повредата на тетивата да го оддалечи.
Во оваа категорија може да се класифицира и Ламело Бол и покрај тоа што одигра 1.031 минута. Исто така неговиот Шарлот е еден од најлошите тимови во лигата, што веројатно уште повеќе ја отежна неговата кандидатура. Интересно е и тоа што младиот Американец се најде на првото место во конкуренција на бекови во Источната конференција, според гласовите на навивачите.
The full NBA All-Star rosters as they stand: https://t.co/9KWINuHuEg pic.twitter.com/vGkGi6athf
— Marc Stein (@TheSteinLine) January 31, 2025
Покрај гореспоменатите играчи, најзабележителни имиња кои не се најдоа на листата на најдобри играчи во лигата се Тајрис Халибартон (Индијана), Трае Јанг (Атланта), Домантас Сабонис (Сакраменто) и Кајри Ирвинг (Далас).
Халибартон оваа сезона игра малку послабо од претходните две кога беше Ол-стар. Плејмејкерот на тимот од државата на езерото Мичиген има просек од 18,3 поени, 3,6 скока и 8,6 асистенции, што го прави петти најдобар додавач во лигата.
Уште еден човек кој игра одлично за своите соиграчи не се најде на Ол-стар листата, а тоа е најдобриот асистент во НБА – Трае Јанг. Брилијантниот кошаркар е веќе навикнат ова признание да го одмине, а оваа сезона просечно бележи 22,5 поени и 3,3 скока по натпревар, заедно со рекордни 11,4 асистенции. Откако дозна дека не е избран, своето незадоволство го изрази преку социјалните мрежи.
& it’s no longer getting “snubbed” it’s getting “Traed” at this point😂
Sorry to my fans.. it’ll change eventually!
All right, talk soon!— Trae Young (@TheTraeYoung) January 31, 2025
Домантас Сабонис бележи просечни импресивни 20,9 поени, 14,5 скока и 6,6 асистенции по натпревар. Литванецот е убедливо најдобриот скокач во лигата, а исто така несебично поставува отворени шутеви за остатокот од тимот. За одбележување е и тоа што шутира феноменално (61% од поле, 48% за тројки), а со неговиот стил на игра многумина потсетува на Никола Јокиќ.
Кајри Ирвинг игра многу ефикасно оваа сезона. Првиот пик од драфтот во 2011 година има просек од 24,2 поени, 4,6 скока и 4,9 асистенции. Тој, исто така, шутира над 50 проценти за два поени и 40 проценти од тројка. Покрај него, единствените играчи кои успеале да го направат тоа се Никола Јокиќ, Тајлер Хиро и Џејлен Бренсон – а сите тројца се меѓу патниците за Сан Франциско.
Ѕвездата на Филаделфија, Тајрис Макси (27-3-6) нема да биде на Ол-стар натпреварот, ниту еден од најдобрите играчи на Клиперс, Норман Пауел (24-4-2).
Ол-стар натпреварот оваа година треба да започне ноќта на 16-ти и 17-ти февруари во Сан Франциско.