Израелскиот премиер Бенјамин Нетанјаху во понеделникот одговори на шпекулациите дека се очекуваат нови ослободувања на заложници од Газа, велејќи дека Израел презема иницијатива во отсуство на понуда од палестинската милитантна група Хамас.
„Нема цврст предлог од Хамас. Не е точно дека таков предлог постои“, соопштија од кабинетот на Нетанјаху.
Израелскиот премиер им го кажа ова на претставниците на семејствата на заложниците откако некои членови на семејствата упаднаа на седницата на парламентарната комисија, барајќи да се постигне договор за ослободување на нивните најблиски.
„Ова ви го кажувам најјасно што можам, бидејќи кружат толку многу неточни изјави, кои секако се болни за вас“, рече Нетанјаху. „Но, во исто време постои и наша иницијатива за која нема да елаборирам“.
Владата на Нетанјаху вели дека израелската офанзива, започната како одмазда за прекуграничниот напад на Хамас на 7 октомври, што резултираше со убиства и киднапирања, е неопходна за да се изврши притисок врз палестинските киднапери да ги ослободат заложниците под прифатливи услови.
Роднините на заложниците, сепак, стравуваат дека нивните најблиски може да бидат убиени.