Неверојатна ситуација во Јувентус – тие се единствените без пораз во Серија „А“, но еден податок открива огромен проблем

Иако Јувентус е единствениот непоразен тим во италијанскиот шампионат оваа сезона, „Старата дама“ го има вториот најлош старт во последните 14 години.

Во првите 15 кола, Јувентус предводен од Тиаго Мота оваа сезона освои 27 бода со шест победи и девет нерешени и моментално е на шестото место. Аталанта води со седум бода повеќе. Само Масимилијано Алегри во сезоната 2021/22 собра помалку бодови (24) во првите 15 натпревари од Серија „А“, постигнувајќи седум победи, три нерешени и пет порази.

Јувентус на Алегри заврши на четвртото место таа сезона со 70 бодови. Во Лигата на шампионите, торинскиот клуб моментално е на 19. место со осум бодови, седум помалку од водечкиот Ливерпул.

Во среда Јуве го пречекува Манчестер Сити.