И откако помина најлошото, словенечките полицајци имаат полни раце работа. Екипажот на хеликоптерите кои во најтешките моменти спасуваа луѓе од покривите на поплавените куќи и сега не мирува. Во погодените подрачја се носат материјал и гориво, а две прасиња биле спасени од фарма уништена од поплавите.
Една од тамошните фарми речиси целосно била уништена од разорната поплава, при што на неа останале само две прасиња.
Полицајците поради тоа со хеликоптер долетале на тешкото пристапно место и ги подигнале прасињата на побезбедна локација, јавува „N1“.
Семејството кое во поплавите ја загуби практично целата своја фарма, штала и земјоделска механизација, а и домот им беше уништен, беше исклучително благодарно. На имотот имало и други животни, но преживеале само две прасиња и една кобила, која сама побегнала, соопшти тамошната полиција.