168
Големо невреме денеска го зафати Охрид. Невремето било краткотрајно, но интензивно со што предизвикало материјални штети.
Епилогот е откорната лимена кровна конструкција од зграда, при што оштетила повеќе куќи и возило. За среќа нема повредени.
Силниот ветер, проследен со дожд и град откорна дрвја, искршил гранки и искинал кабли од телефонски и телевизиски оператори во градот.
Во моментов на терен се службите од ЈП „Охридски комуналец“ кои помагаат во расчистување на улиците.