Често размислуваме за исхраната како начин за подобрување на физичкото здравје, како што е одржување на оптимална телесна тежина, здравје на срцето и рамнотежа на шеќерот во крвта. Сепак, исхраната може да влијае и на когнитивното здравје.
„Нашиот мозок е орган кој бара голема количина на енергија и зависи од постојаното снабдување со хранливи материи за да функционира правилно. Она што го јадеме и пиеме може да влијае на функцијата на мозокот и на краток и на долг рок”, вели неврологот д-р. Џоел Салинас за „Parade“.
Тој исто така додава дека некои пијалоци содржат есенцијални хранливи материи кои го поддржуваат здравјето на мозокот, додека други може да придонесат за „воспаление, оксидативен стрес или промени во структурата на мозокот со текот на времето“.
Според др. Салинас, разбирањето на овие ефекти може да ни помогне да направиме попаметни избори кои ќе ја заштитат меморијата, концентрацијата и целокупната функција на мозокот како што старееме. Тој и други невролози ги открија трите најлоши пијалоци за здравјето на мозокот и дадоа совети што да се пие наместо нив.
Диетални газирани сокови
Иако диеталните газирани пијалаци понекогаш се претставени како „поздрава“ верзија на обичните газирани пијалоци со шеќер, невролозите предупредуваат дека тоа можеби не е најдобриот избор за мозокот. „Бројни студии покажаа дека аспартамот, вештачки засладувач кој се користи како замена за шеќер во многу прехранбени производи, може да има негативно влијание врз здравјето на мозокот“, предупредува неврологот др. Мил Етјен.
Овошни сокови
Овошните сокови може да носат ризици за здравјето на мозокот ако се полни со додадени шеќери. Др. Салинас истакнува дека една студија особено покажала поврзаност помеѓу фруктозата и сахарозата, кои се вообичаени во овошните сокови, и зголемениот ризик од деменција.
„Овие наоди сугерираат дека прекумерното внесување шеќер може да придонесе за стареење на мозокот и невродегенеративни болести, најверојатно преку воспаление, отпорност на инсулин и оксидативен стрес“, вели д-р Салинас.
Др. Етјен додава дека промените во нивото на шеќер може да предизвикаат замор, проблеми со концентрацијата и мозочна магла, што може да доведе до раздразливост и промени во расположението.
Вино
Умерената консумација на вино, особено црвеното, историски се поврзува со подобри здравствени резултати. Иако некои експерти споменуваат дека неколку студии сугерираат дека умереното консумирање вино може да го подобри здравјето на мозокот, тие не препорачуваат тестирање на оваа теорија. Студија од 2022 година покажа дека дури и еден до два пијалоци на ден може да го намалат волуменот на мозокот, особено во регионите кои влијаат на когнитивноста.
Др. Салинас истакнува дека овие промени во структурата на мозокот сугерираат дека алкохолот, дури и во мали количини, можеби не е толку безопасен како што се мислеше.
Така, невролозите тврдат дека најдобриот избор за здравјето на мозокот се обичната вода, сокови од зеленчук, кокосова вода и зелен чај. Тие, исто така, препорачуваат исхрана богата со здрави масти и антиоксиданси, како што е медитеранската исхрана, која помага во намалување на воспалението и ја поддржува функцијата на мозокот.