Ница го откажа концертот на Ријана и Џез фестивалот во градот

Властите во Ница го откажаа концертот на светската поп ѕвезда Ријана и се откажаа од спроведувањето на годишниот џез фестивал во францускиот туристички град.

Ријана требаше да одржи концерт од својата светска турнеја “Анти” на 15 јули на локалниот стадион “Алијанса ривиера”, кој собира 35 илјади гледачи. Летниот џез фестивал требаше да е од 16 до 20 јули.

Градот на Азурниот брег прогласи жалост поради крвопролевањето, кое беше предизвикано најверојатно од 31-годишен Французин од туниско потекло. Во четвртокот (вчера) доцна тој во текот на два километри тој прегазувал луѓе со товарен камион по шеталиштето.

Меѓу жртвите се околу 80 локални жители и туристи, кои излегле да набљудуваат огномет за националниот празник на земјата – 14 јули.