Министерот за транспорт и врски, Александар Николоски информира дека во тек е контрола на сите издадени лиценци согласно Законот за градење и урбанистичко планирање. Најави дека ќе следуваат законски измени со кои што ќе биде законска обврска секои шест месеци да се врши контрола на се што е издадено.
Се врши контрола на сите издадени лиценци за изведувачи на градби од прва категорија, изведувачи на градби од втора категорија, надзор на прва категорија и втора категорија, проектирање на градби, ревизија на проектна документација, управител за одржување на објекти и градби и лиценци за изработка на урбанистичи планови.
Од издадени над 1100 лиценци досега проверени се 643. Од овие кај 97 лиценци или над 15% констатирано е дека по изведувањето на лиценците, правните лица престанале да ги исполнуваат законските услови врз основа на кои истите се издадени. Во моментот на барање за лиценца ги исполнуваат условите, а потоа престануваат.
-Тоа значи дека на 13 правни лица им е одземена лиценца за А изведувач на градба, на 34 лица им е одземена лиценцата за Б изведувач на градба, на две правни лица одземена им е лиценцата за А надзор на градба…., рече меѓу другото министерот.
Николоски очекува постапката да заврши до вторник.