„Јас се гордеам на секој еден мал производител, којшто денеска инвестира во опрема, во нови етикети, станува збор за над илјада нови етикети на вино и ако по нешто сме препознаени, ако за нешто го зголемивме извозот тоа е за флаширано вино, изјави министерот за земјоделство, шумарство и водостопанство Љупчо Николовски во „Тема на денот“ во Дневникот на Сител Телевизија.
Додаде дека самите економски и социјални партнери веднаш ги демантирале сите наоди коишто паушално биле изнесени колку да се каже нешто во отсуство на програма, идеја и визија и не може да се негира сето она кое што донело успех.
„Зад успехот треба сите заедно да застанеме. Нашата цел е новите промени да бидат дел од новиот закон за земјоделство и уредување на пазари коишто работиме и наша цел во наредниот период ќе биде овие грантови за мали оператори да растат и понатака“, додава тој.